خیبرپختونخوا کے شہر ہری پور سے چند روز قبل پانچ سالہ آیت نور لاپتہ ہو گئی تھیں، پولیس کے مطابق اس کے اغوا کے سلسلے میں متعدد مشتبہ افراد کی نشاندہی کی گئی تھی، اور تین کو گرفتار کیا گیا تھا، ملزمان نے مبینہ طور پر بچے کو جنسی زیادتی کا نشانہ بنانے اور بعد ازاں اس کی لاش کو ٹھکانے لگانے کا اعتراف کیا۔
کمسن بچی کی لاش یونیورسٹی روڈ پر واقع ایک گودام کے کنویں سے برآمد ہوئی جب وہ تقریباً 15 دنوں سے لاپتہ تھی۔
اس افسوسناک واقعے نے بڑے پیمانے پر غم و غصے کو جنم دیا اور بہت سے لوگوں نے خواتین اور بچوں کے خلاف بڑھتے ہوئے جنسی تشدد کے واقعات پر سوال اٹھائے ہیں اور قصورواروں کے خلاف سخت کارروائی کا مطالبہ کیا ہے۔
کئی شوبز شخصیات نے بھی بڑھتے ہوئے جرائم کے خلاف آواز اٹھائی ہے تاہم اب مریم نفیس نے ایک جذباتی ویڈیو بھی شیئر کی جس میں انہوں نے خواتین اور بچوں کے خلاف تشدد کا ذکر کیا ہے۔
اداکارہ نے اپنی ویڈیو میں کہا کہ آج کا ہیش ٹیگ: آیت نور جس کے ساتھ اجتماعی زیادتی کی گئی قتل کیا گیا اور کنویں میں پھینک دیا گیا، کل کا ہیش ٹیگ: ایک نوزائیدہ بچی جو معجزانہ طور پر بوری میں زندہ برآمد ہوئی اس کے بعد 45 سالہ حنا جاوید اس کے اپنے ہی شوہر کے ہاتھوں قتل کیا گیا تھا اور اس سے پہلے ایک 20 سالہ لڑکی جس کا پولیس اہلکار نے ریپ کیا۔
مریم نفیس خواتین پر تشدد پر بات کرتے ہوئے رو پڑیں اور کہنے لگیں ہم کیا کریں کوئی کچھ کررہا ہے۔
نیٹیزنز نے اداکارہ سے اتفاق کرتے ہوئے کہا کہ ہیش ٹیگز ٹرینڈ کرتے رہیں گے لیکن خواتین کے خلاف اس طرح کے مظالم میں ملوث ظالم لوگوں کے خلاف کوئی کارروائی نہیں کی جائے گی۔
ایک اور نے سوال کیا کہ مشہور شخصیات ملک میں ہونے والے گھناؤنے جرائم کے خلاف احتجاج کرنے کے لیے اکٹھے کیوں نہیں ہوتیں جبکہ بہت سے دوسرے نے کہا کہ حکومت پر شرم آنی چاہیے کہ اصل مجرموں کے خلاف کوئی کارروائی نہیں کی۔
