پاکستان میں سونے کی فی تولہ قیمت میں 6900 روپے کا اضافہ ہوگیا ہے۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 6900 روپے اضافے کے بعد 4 لاکھ 60 ہزار 336 روپے ہوگئی ہے۔
اسی طرح دس گرام سونے کے نرخ 5914 روپے بڑھ کر 3 لاکھ 94 ہزار 663 روپے ہوگئے ہیں۔
عالمی مارکیٹ میں سونا 69 ڈالرز اضافے کے بعد 4378 ڈالرز فی اونس ہوگیا ہے۔
چاندی کی تولہ قیمت 300 روپے اضافے سے 7169 روپے ہوگئی ہے۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔ جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
