لندن: فیئر فورڈ ایئر بیس پر حملے میں ملوث ہونے کے شبے میں زیرحراست ملزمان کو پولیس نے ضمانت پر رہا کر دیا۔
لندن پولیس کے مطابق پانچوں افراد کے خلاف تاحال باضابطہ فردجرم عائد نہیں کی گئی جس کے باعث ملزمان کی عدالت پیشی کی کوئی تاریخ مقرر نہیں ہوئی۔
پولیس کا کہنا ہے کہ پانچوں افراد برطانوی شہری اور لندن کے رہائشی ہیں جنہیں ضمانت پر رہا کیا گیا ہے۔
برطانوی پولیس سربراہ لارنس ٹیلر کا کہنا ہے کہ پانچوں افراد کو پوچھ گچھ اور تحقیقات کے بعد سخت شرائط پر رہا کیا گیا تاہم پانچوں افراد اب بھی زیرتفتیش ہیں۔
