انشورنس سیکٹر میں کلیمز کی بروقت ادائیگی، بڑی خبر آگئی

0
18

سی سی پی نے انشورنس سیکٹر میں مسابقت، کلیمز کی بروقت ادائیگی اور صارفین کا اعتماد بڑھانا ناگزیر قرار دے دیا ہے۔

اے آر وائی نیوز کے مطابق سی سی پی کا کہنا ہے کہ پاکستان میں انشورنس پینیٹریشن جی ڈی پی کا صرف 0.7 فیصد ہے، پاکستان میں فی کس انشورنس اخراجات تقریباً 12 امریکی ڈالر ہیں۔

سی سی پی کی اجلاس میں بریفنگ دی گئی کہ انشورنس سیکٹر میں ڈیجیٹلائزیشن اور جدید نظام کو فروغ دیا جائے، پاکستان میں 44 انشورنس کمپنیاں کام کر رہی ہیں اور تقریباً ایک کروڑ 4 لاکھ پالیسیاں موجود ہیں۔

مارکیٹ ارتکاز، نئی کمپنیوں کے داخلے میں رکاوٹیں اور کلیمز میں تاخیر اہم چیلنجز قرار دیے گئے ہیں، عوام میں انشورنس سے متعلق معلومات کا عدم توازن بھی مسابقتی چیلنجز ہیں۔

سی سی پی اجلاس میں انشورنس پریمیم کی آسان ادائیگی اور کلیمز کی مؤثر و بروقت سیٹلمنٹ پر زور دیا گیا اور کہا گیا کہ پالیسی کی خریداری سے کلیم کی ادائیگی تک ڈیجیٹلائزیشن کا فائدہ صارف کو ملنا چاہیے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں